Për herë të parë prindër, çifti i njohur i këngëtarëve shqiptarë japin lajmin e ëmbël 24/11 17:59
Një bebe zebër e mbetur jetime duket se ka rigjetur lumturinë falë kujdestarëve të saj që kanë nisur të vishem me rroba një vija bardhë e zi kur janë pranë saj, për të ngjarë sa më shumë si nëna e saj.
Diria pati një nisje traumatike të jetës teksa nëna e saj u vra nga një tufë luanësh në parkun kombëtar Tsavo në Kenia.
Mrekullisht e vogla i shpëtoi sulmit duke u fshehur me një tufë dhish që gjendeshin aty pranë.
Fillimisht për të u kujdesën barinjtë e dhive por më pas u soll në njësinë e riintegrimit të botës së egër Sheldrick.
Në botën e egër këlyshët e zebrës rriten vetëm prej nënës së tyre me të cilën krijojnë lidhje të forta.
Prandaj dhe kujdestarët veshën rrobat me vija që Diria t’i njihte ata si nëna adoptuese, dhe e shoqërojnë atë nga mëngjesi deri në mbrëmje, siç do të bënte nëna e saj.
Rob Brandford, drejtori i qendrës Sheldrick Wildlife tha se Diria është shumë e dashur me kujdestarët dhe përveç qumështit, i pëlqen shumë dhe kujdesjet e përkëdheljet e tyre.
“Me ndihmën e mbështetësve tanë ne do të bëjmë që Diria të rritet e të fitojë instinktet e mbijetesës, për të jetuar e pavarur në zonën e mbrojtur të rezervatit”, tha ai.
Top Channel
