Problemet shëndetësore që tregojnë sytë, çfarë duhet të keni kujdes 07/05 07:50
Një oficere burgu që “përkëdhelej” me një të burgosur të martuar, arriti t’i shpëtojë dënimit, megjithëse gruaja e të burgosurit denoncoi pamjet e shpërndara online.
Gemma Brean, 35-vjeçare nënë e dy fëmijëve, kishte nisur një “marrëdhënie të papërshtatshme” me një shpërndarës drogash që po kryente dënimin në burgun ku ajo po punonte si gardiane.
Në gjyqin e djeshëm u tha se Brean ishte supervizore kur u njoh me Davies në burgun Prescoed në Uells. Institucioni është një burg burrash ku të dënuarit kryejnë fundin e dënimeve të tyre. Brean drejtonte programin e menaxhimit të mbetjeve të burgut, teksa dhe i burgosuri Davies ishte angazhuar si pjesë e grupit të riciklimit.
Por marrëdhënia mes tyre u përshkallëzua në mesazhe personale. Lidhja doli në dritë kur u bë një foto e çiftit me krahët të hedhura rreth njëri-tjetrit, gjatë kohës që Davies kishte dalë me leje në fundjavë.
Prokurori Steven Donoghue tha se foto ishte postuar në rrjet nga nëna e të burgosurit, me qëllim që të shihej nga bashkëshortja e tij Karen Davies me të cilën ishte duke u ndarë. Në gjyq u deklarua se nëna dhe nusja debatonin prej kohësh dhe nuk ishin takuar që prej nisjes së dënimit të dënimit pesë-vjeçar të Davies për shpërndarje drogash.
Prokurori Donoghue tha: “Kjo tregon se i burgosuri kishte krijuar një lidhje të re pasi fotoja ishte postuar në një faqe interneti”. Në gjyqin e Cardiff-it u tha se foto tregonte Brean e Davies të përqafuar në një divan me krahët rreth njëri-tjetrit.
Donoghue tha: “Prandaj ish-gruaja e tij hetoi pak më tej dhe kuptoi se femra në foto është oficerja e burgut e burrit të saj”.
Në fillim të vitit Brean dha dorëheqjen nga posti i oficeres së burgut prej çështjes, dhe ishte arrestuar një ditë më vonë.
Donoghue shtoi: “Ajo ka pranuar se ka pasur takime të papërshtatshme me të burgosurin. E akuzuara i përshkruan ato si të rastësishme, për arsye të dy shkonin në të njëjtin vend, por insiston se nuk kanë një marredhënie seksuale dhe as marredhënie të vazhdueshme”.
Brean pranoi akuzat e sjelljes së papërshtatshme në një post publik. Ajo nuk kishte dënime të mëparshme dhe gjyqtari e dënoi me tetë muaj burg të pezulluar. Brean do të mbajë gjithashtu një zbulues elektronik gjatë kohës së dënimit dhe duhet të kryejë 10 ditë aktivitet rehabilitimi.
Top Channel
