Shtëpi muze për Avni Rustemin/ Në 100 vjetorin e vrasjes, përfundon restaurimi në Libohovë
22/04 12:26
30 fotografi dhe piktura historike janë risjellë të riprodhuara për herë të parë në këto 30 vjet në banesën e Ismail Kadaresë në Gjirokastër edhe si një pjesë e memories historike të qytetit.
Vlera e këtij koleksioni nis me Edward Lear që vizatoi momente të qytetit në vitin 1848. Ajo pasohet me ndjesi nga jeta nën pushtimin otoman, më tej ka një koleksion fotografish të realizuara gjatë pushtimit italian,fotografi të qytetit gjatë diktaturës dhe pamja e tij aktuale.
“ Ajo çka e bën të veçantë këtë ekspozitë është se ajo është e para e këtij lloji e hapur pas viteve ‘90. Nëse e vëren një pjesë e fotove kanë një nuancë kafe të lehtë dhe janë foto të realizuara në kohën kur Gjirokastra ka qenë e pushtuar nga Italia.”
Koleksioni është dëshmi e transformimit sipas z. Lluri. Shumë prej fotografive shfaqin komplekse të tëra banesash historike që nuk ekzistojnë më në fondin e qytetit.
“ Në qoftë se Kadare thotë se shtëpitë e qytetit ju ngjajnë kështjellave të vogla, po ta shohësh sot me trishtim shikon se një pjesë e këtyre kështjellave janë rrënuar. Janë foto që flasin për mosekzistencën më dhe shuarjen e komplekseve monumentale të qytetit ku hyn pjesa kryesore e sheshit të Çerçizit ku hyjnë urat e mëdha por edhe banesa karakteristike.”
Ekspozita që vjen në 90% të saj në bardhë e zi përkujton edhe figura të rëndësishme historike, momente themelore në jetën e qytetit, si tradita e karnavaleve. Gjithashtu i bën thirrje ndërgjegjes kolektive ta gjejë referencën tek trashëgimia si një çelës që garanton mbrojtjen në vijimësi.
Top Channel
