Jo vetëm “ylli” i Milanit, Bayerni synon t’i “rrëmbejë” dy lojtarë Guardiolës 24/05 15:52
I lumtur për kualifikimin e Teutës së tij në finalen e Kupës së Shqipërisë. Edi Martini në intervistën për Gol pas Goli nuk mund ta fshihte kënaqësinë që djemtë e detit shkuan në finalen e kompeticionit të dytë më të rëndësishëm në vend pasi tashmë mund ta kapin Europën edhe nëpërmjet vendit të 4-t në kampionat.
“Komplimentet janë për lojtarët, nuk di si ti falënderoj. Po mundohen çdo 3 ditë, një grup me 12-13 lojtarë. Përgëzimet më të mëdha për ta. Sot duhet të luanim mbrapa. Kukësi ka individualiteti, driblojnë dhe krijojnë hapësira. Ky ekip ka karakter, është si familje”, tha fillimisht Martini.
“Kapllani është lojtar me të ardhme. Futa shumë lojtarë në sulm, rrezikuam. Ai ka dëshirë, del para portës. Zoti ia shpërbleu dhe me anë të tij edhe ne”, shtoi shkodrani i Teutës. Më pas, Martini deklaroi: “U thashë djemve që ekipi që ka karakter çohet në këmbë kur rrëzoher. Ishte karakteri i tyre që na solli këtë rezultat. Meritat janë të futbollistëve”.
“Oreksi vjen duke ngrënë. Duam të futemi në historinë e këtij klubi dhe të këtij qyteti. Do bëhemi gati ta fitojmë Kupën. Në Europë do shkojmë para se të vendoset Kupa. Shpresoj ta mbyllim Europën të dielën”.
“Aktivizimi i Çyrbjes më përpara? Donim ta fitonim ndeshjen. Goli i tyre na e prishi strategjinë. Çyrbja do bëhej vendimtar, sikurse edhe Gruda. Të dy me shpejtësinë e tyre do na bënin punë në kundërsulmet tona. Pa asnjë diskutim Çyrbja është një nga lojtarët tanë më të rëndësishëm”.
Top Channel
