Kandidatët për drejtues të prokurorive të Durrësit dhe Shkodrës, KLP nis procedurat për verifikimin e pasurisë së tyre 25/04 14:06
Në 24 qershor përcollëm shqetësimin e 315 studentëve të Fakultetit të Ekonomisë, të cilët megjithëse kishin mbyllur studimet master 2017-2019, kishin një vit që nuk po pajiseshin me diplomë.
-Diplomat nuk janë në Rektorat, – thotë shefi I kurrikulave të Rektoratit, Albano Zhapaj.
-Diplomat gjenden në Rektorat, – thotë dekani I Fakultetit të Ekonomisë, Dhori Kule.
Të ndodhur në këto kushte, kur studentët po sorollateshin sa nga një institucion tek tjetri, ata u bënë bashkë dhe firmosën një peticion që e paraqitën në Dekanat, Rektorat dhe Ministrinë e Arsimit.
Sot pas gati 3 javësh nga peticioni, procesi I firmosjes së diplomave duket se po merr zgjidhje.
“Në sajë të qëndresës studentore, u arrit që palët të bëhen bashkë dhe t’I japin zgjidhje, me vonesë, por u finalizua. Unë I pashë personalisht diplomat, që janë në proces përgatitje. Ky të jetë edhe një shembull për brezat e ardhshëm dhe përgjegjësit të mos marrin guximin t’i sorollatin siç bënë me ne, por një proces ta nisin e ta çojnë deri në fund. Studentët nuk kanë pse vuajnë pasojat e ping-pongut, që në mënyrë të papërgjegjshme luajtën në këtë rast institucionet. Tani me atë diplomë unë vazhdoj planet për rritjen time profesionale brenda dhe jashtë vendit tim”.
Top Channel
