Gjatë 24 orëve të fundit në Kinë janë regjistruar tre raste të tjera me koronavirus, ndërsa në Korenë e Jugut janë regjistruar 33 raste.
Komisioni Kombëtar i Shëndetit në Kinë njoftoi se tre rastet e reja me koronavirus janë regjistruar tek persona që vijnë nga jashtë vendit dhe theksoi se nuk është regjistruar vdekje e re nga COVID-19 në të njëjtën periudhë.
Autoritetet kineze njoftuan se numri i përgjithshëm i rasteve të konfirmuara me COVID-19 u rrit në 83.605, ndërsa numri i vdekjeve mbeti i pandryshuar, respektivisht 4.634.
Në Kinë, deri më tani 78.674 persona kanë fituar betejën kundër koronavirusit.
Sipas njoftimit të Komisionit Kombëtar të Shëndetit, numri i rasteve aktive me COVID-19 në Kinë është 297.
Në Korenë e Jugut numri i rasteve me COVID-19 rritet në 13.512
Qendra e Kontrollit dhe Parandalimit të Sëmundjeve në Korenë e Jugut raportoi 33 raste të reja me koronavirus, 19 prej të cilave vijnë nga jashtë.
Numri i përgjithshëm i të infektuarve është rritur në 13.512, prej të cilëve 12.282 janë shëruar.
Top Channel
