Jo vetëm “ylli” i Milanit, Bayerni synon t’i “rrëmbejë” dy lojtarë Guardiolës 24/05 15:52
Partizani e kalon me sukses pengesën e vështirë Laçi duke e mundur dhe për t’iu afruar akoma më shumë zonës evropiane. Në ‘Air Albania’ Stadium skuadra e Sormanit iu imponua kurbinasve teksa i mundi me rezultatin 1-0 duke e reduktuar në 2 pikë diferencën e për më tepër për të regjistruar fitoren e tretë radhazi.
Partizani e gjeti golin e avantazhit që në minutën e 11 kur Eraldo Çinari shënoi në portan e Stajillas pasi evitoi mbrojtjen kundërshtare. Pas kësaj ‘Të Kuqtë’ preferuan që të mendonin për administrimin e avantazhit, ndërkohë që Laçi u përpoq të reagonte teksa pati disa tentativa në portën e Alban Hoxhës. por skuadra e Cungut nuk mundit dot të gjejë rrugën e rrjetës për shkak të pasaktësive të futbollistëve të saj, por edhe për meritë të portierit Alban Hoxha që bëri ndërhyrje të mira.
Po sot u zhvillua edhe një ndeshje tjetër e javës së 31 të Kategorisë Superiore, ajo mes Flamurtarit dhe Luftëtarit, 2 skuadra që kanë rënë tashmë në Kategorinë e Parë. Por kjo sfidë e zhvilluar në Vlorë nisi me vonesë për shkak të një parrulle që u shfaq në stadium në mbështetje të Presidentit të Kosovës Hashim Thaçi, parrullë që u hoq pas ndërhyrjes së delegatëve të ndeshjes.
Pas këtij momenti, ndeshja u zhvillua normalisht dhe Flamurtari e shkatërroi skuadrën gjirokastrite teksa e mundi me rezultatin tenistik 6-1 me skuadrën vlonjate që lë vendin e fundit në renditje duke ia lënë atë Luftëtarit. Ditën e diel do të luhen edhe 3 ndeshjet e tjera të Kategorisë Superiore, Kukësi-Bylis dhe Vllaznia-Teuta në orën 17:00 dhe Skënderbeu-Tirana në orën 20:00, sfida këto që do të transmetohen në platformën Digitalb.
Top Channel
