Koronavirusi duket se është rikthyer në Ballkan çka edhe ka bërë që BE të mendojë t’i mbajë ende mbyllur kufijtë e tij për rajonin.
Në kosovë, tre persona humbën të shtunën betejën me koronavirusin. Sipas të dhënave më të fundit, numri i viktimave të koronavirusit, që nga fillimi i pandemisë, ka shkuar në 47. Ndërkohë, një ditë më parë u konfirmuan 62 raste të reja të koronavirusit me totalin që ka shkuar tashmë në 2494.
Bilanc i rëndë vazhdon të raportohet në Maqedoninë e Veriut.
Për 24 orët e shkuara janë 9 viktimat e covidit dhe 150 rastet e reja të konfirmuara. Pjesa më e madhe e rasteve vazhdojnë të vijnë nga kryeqyteti, Shkup, ndjekur nga qytete të tjera si Kumanova, Tetova, Ohri, Gostivari etj. Që nga fillimi i pandemisë e deri më tani, në Maqedoninë e veriut 277 kanë humbur jetën dhe 5906 janë infektuar.
Edhe Bosnje Hercegovina ka njohur një rritje të infektimeve këto ditë e madje shënoi 24 orët e shkuara një tjetër rekord të përditshëm, me 172 raste të reja të koronavirusit. Ndërsa dy persona kanë humbur jetën një ditë më parë. Sipas statistikave zyrtare tani, bilanci i koronavirusit nga fillimi i pandemisë ka shkuar në 4107 të prekur ndërsa ai i viktimave 180.
Edhe pse situata epidemiologjike konsiderohet më e mirë, edhe në mal të zi dhe serbi ka patur rritje rastesh. Mali i zi ndaloi tubimet publike të enjten si masë kundër përhapjes së koronavirusit ndërkohë që protestat e kishës ortodokse vazhdojnë në vend. Edhe pse qeveria e shpalli malin e zi pa kovid më 25 maj, javën e shkuar numri i infektimeve të reja u rrit në 100, në total.
Sipas kryeministrit Dusko markovic, infektimet e reja, me gjasë vinin nga Serbia dhe Bosnje Hhercegovina. Ndërsa në serbi, vend që kritikohet edhe për mos raportim të saktë të shifrave, dy pacientë të tjerë humbën jetën 24 orët e shkuara ndërsa 227 infektime të reja u konfirmuan. Sipas të dhënave zyrtare, bilanci total i viktimave të koronavirusit është 267 ndërsa ai i të prekurve 13 792.
Top Channel
