SHBA-të i bëjnë thirrje Izraelit të shmangë përshkallëzimin e konfliktit me Iranin 16/04 08:30
Mediat ruse pretendonin sot se një burim i ushtrisë indiane ka pranuar se viktimat e përplasjes së fundit kufitare Indi-Kinë në zonën e Himalajeve ishin të paktën 20 ushtarë indianë, ndërsa rreth 130 të tjerë kishin marrë plagë gjatë luftimeve.
Më herët India pranonte se dy ushtarë dhe një oficer i zonës së kontestuar kufitare me Kinën ishin vrarë në përplasjet e mëngjesit të së hënës.
Burimi i ushtrisë indianë tha se palët kishin ndaluar tashmë përplasjen në Galwan, ku sipas tij 17 trupa indiane ishin plagosur rëndë në kufirin e përkohshëm të njohur si “Linja e Kontrollit” por prej ekspozimit ndaj temperaturave nën zero kishin humbur jetën, duke e çuar numrin total të viktimave në 20.
Burimi shtoi se ushtria indiane është e vendosur të mbrojë integritetin territorial të vendit.
Ai tha se 130 ushtarë indianë ishin plagosur dhe numri i viktimave mund të rritet më tej.
Linja aktuale kufitare e kontrollit mes dy kombeve është krijuar në 1962 por shumë konflikte janë zhvilluar aty gjatë dekadave.
Ministria e jashtme indiane tha se palët kanë rënë dakord ta zgjidhin çështjen në mënyrë paqësore me kontakte diplomatike dhe ushtarake.
Top Channel
