Dhjetëra mijëra protestojnë në Barcelonë për krizën e strehimit dhe qiratë e larta (fotot)
25/11 17:12
Demonstruesit në Liban tentuan mbrëmë gjatë protestave të dhunshme të pushtojnë bankën qendrore të vendit në kryeqytet, pasi valuta e vendit ka shënuar një rënie rekord të vlerës në krahasim me dollarin.
Si rezultat i krizës ekonomike në vend, një dollar tashmë këmbehet me 6,000 paundë libanezë, nga 4000 që ishte dy ditë më parë, duke bërë që protestuesit të dalin në rrugët e kryeqytetit Beirut dhe qytete të tjera.
Ata bllokuan rrugët me kazanë plehrash dhe dogjën goma makinash.
Protestuesit hynë me forcë në ambjentet e bankës qendrore në rrugën Hamra, por u tërhoqën pas ndërhyrjes së forcave të sigurisë, duke lënë pas zjarre në brendësi të saj.
Forcat e sigurisë reaguan gjithashtu ndaj atyre që ndezën zjarre para ndërtesave qeveritare dhe dëmtuan dyqanet aty pranë.
Libani vuan nga papunësia e lartë dhe rritja e ulët ekonomike. Pandemia e koronavirusit e ka përkeqësuar situatën teksa qeveria ka zgjatur periudhën e izolimit për të ndaluar përhapjen.
Top Channel
