Me vlerën prej 275 milionë dollarësh, SHBA përgatit një paketë të re ndihme për Ukrainën 24/05 08:02
Pas gjashtë muajsh përreth botës, gjatë të cilës u prek nga koronavirusi dhe pa oqeanet të zbrazura, pa asnjë anije tjetër, kroçera e fundit që ende kishte në bord pasagjerë, ka hyrë në portin final duke kthyer tetë pasagjerët e mbetur në një botë krejtësisht të ndryshme nga ajo që kishin lënë pas, kur ishin nisur në lundrim.
MV Artania, u ankorua në portin e Bremerhavenit në Gjermani të hënën duke i dhënë fund udhëtimit epik të kthimit nga Australia, gjatë të cilit, anija bëri devijime të pafundme.
Mbërritja në destinacion e Artanias, vjen më shumë se dy muaj pasi anijet e fundit të mëdha kroçerë, me pasagjerë në bord, u ndalën, ndërsa industria e kroçerave u mbyll në mesin e pandemisë globale. Ndërsa Costa Deliziosa, MSC Magnifica dhe Pacific Princess, u ankoruan në prill, Artania vazhdoi të lundronte.
Anija, që mund të mbajë 1200 pasagjerë, u nis në një lundrim 140 ditor nëpër botë, nga Gjermania më 21 dhjetor 2019. Në mars, koronavirusi preku kroçerën me 36 pasagjerë të saj që rezultuan pozitivë pas testimit në Australi. Të prekurit u vendosën në karantinë në spitalet lokale. Dy pasagjerë të saj dhe një pjesëtar i ekuipazhit, humbën jetën. Turistët e pasur të Artanias, qëndruan në karantinë në anije deri në fluturimet e riatdhesimit në fund të marsit.
Qindra pasagjerë, shumica gjermanë, fluturuan nga Australia perëndimore në Frankfurt dhe disa qëndruan në spital për tu shëruar. Tetë pasagjerë vendosën të ktheheshin në shtëpi përmes oqeanit dhe jo me avion dhe ata morën statusin surreal të pasagjerëve të fundit të një kroçere, në det. Ata panë botën të ndryshonte, vendet të izoloheshin dhe hapeshin sërish, ndërkohë që vetë ishin në det, shëtitësit e fundit të oqeaneve të botës.
Top Channel
Me vlerën prej 275 milionë dollarësh, SHBA përgatit një paketë të re ndihme për Ukrainën 
