Në provincën e Vareses në Itali, saktësisht në Malnate, një 48-vjeçar shqiptar ka goditur fillimisht me pistoletë dhe më pas me thikë gruan e tij 40 vjeçe.
Çifti ndodhej në makinë kur ndodhi ngjarja dhe sipas hetimeve paraprake dyshohet se sherri ka ardhur për arsye xhelozie. Në fillim burri e qëlloi me pistoletë gruan, ku kjo e fundit doli nga makina për të kërkuar ndihmë, por 48-vjeçari e ndoqi dhe e qëlloi me thikë.
Fatmirësisht plagët e marra nuk kanë rezultuar fatale për 40-vjeçaren, e cila ndodhet në spital nën kujdesin e mjekëve.
Ndërkohë burri është arrestuar nga policia, teksa efektivët po përpiqen të rindërtojnë skenën nga dëshmitë e marra për të zbardhur ngjarjen.
Top Channel
