Tragjedia me tren në Spanjë/ Qeveria premton 20 milionë euro kompensim për familjet e viktimave, opozita kërkon dorëheqjen e ministrit të Transportit 27/01 17:48
Një sulmues vetëvrasës kreu sulm ndaj agjencisë kombëtare të inteligjencës në Afganistan, raportojnë mediat lokale, transmeton Anadolu Agency (AA).
Sipas transmetuesit lokal “Tolo News”, të paktën shtatë persona u vranë dhe mbi 40 të tjerë u plagosën në sulmin ndaj Drejtorisë Kombëtare të Sigurisë (NDS) në provincën Ghazni në jugperëndim të kryeqytetit Kabul.
“Shumica e viktimave janë punonjës të NDS-së”, njoftoi transmetuesi, duke cituar zyrtarët lokalë të shëndetit.
Sulmi erdhi një ditë pasi presidenti i vendit Ashraf Ghani dhe rivali i tij politik Abdullah Abdullah nënshkruan një marrëveshje për ndarjen e pushtetit për t’i dhënë fund ngërçit politik disamujor.
Përgjegjësinë për sulmin e morën talebanët afganë.
Ky është sulmi i dytë vetëvrasës i grupit kryengritës gjatë javës së kaluar ndaj struktuarve ushtarake në vend.
Top Channel
