Pandemia Covid-19 vazhdon të marr jetë njerëzish në mbarë botën, ku në 24 orët e fundit janë shënuar 332 viktima në Mbretërinë e Bashkuar duke çuar kështu totalin në të paktën 30.947 vdekje.
Numri i përgjithshëm i vdekjeve në Britani është rritur në 30.947 persona, duke përfshirë një fëmijë gjashtë-javësh, që besohet se është viktima më e re në moshë, në Mbretërinë e Bashkuar, raportojnë mediat e huaja.
Ka një ulje të numrit të viktimave nga dita e djeshme, kur u shënuan 383 vdekje në një ditë.
Në Skoci janë regjistruar 1.811 viktima, me 49 viktima të konfirmuara ditën e sotme.
Në Uells, 28 të tjerë kanë vdekur, duke e çuar totalin atje në 1.090.
Ndërkohë që, kujtojmë se pandemia e koronavirusit, ka prekur 3.950.321 persona në mbarë botën dhe ka marrë jetën e 271.791 prej tyre.
Top Channel
