Protesta e punëtorëve fasonë/ Në Krujë dhe Fushë-Krujë nuk përfituan nga paga e luftës
07/05/2020 15:23
Drejtonte automjetin në gjendje të dehur, arrestohet punonjësi i policisë në Durrës 19/04 21:27
Punëtorët e disa fasonerive që operojnë në Krujë dhe Fushë-Krujë, te enjten vendosën të protestonin përpara ambjenteve të tyre të punës.
Kërkesa e tyre është një, që ata të përfitojnë nga paga e dytë e ndihmës financiare, pra çdo punonjës të përfitojë nga paga e luftë prej 40 mijë lekë.
Sipas ligjit për përfitimin e pagës së luftës, të gjithë punonjësit, që janë hequr nga puna përpara datës 10 prill janë përfitues të 40 mijë lekëshit. Njëra prej fasonerive, punëtorët e saj i ka hequr nga puna në datën 9 prill, por listën me 291 punonjës e dorëzon një javë me vonesë. Ajo çfarë ndodh është se nga këta punonjës kanë përfituar vetëm gjashtë prej tyre. Për këtë problem, administratori i fasonerie Muharrem Hoçja, thotë se ka bërë edhe ankesë por ende nuk ka marrë një përgjigje.
Gjatë muajit mars dhe prill, punonjësit e fasoneri kanë punuar shumë pak ditë për shkak të frikës së COVID 19, por pagesa që ata kanë marrë për këto dy muaj, ka qenë e pamjaftueshme për të përballuar jetesën e tyre.
Top Channel
