Prej 18 vitesh gjatë 3 muajve të verës, Luigi me familjen e tij i kanë kaluar pushimet në jug të Shqipërisë, por nëse do të vijnë këtë vit apo jo varet nga hapja e kufijve për shkak të pandemisë.
Përshëndetje të gjithëve , shpresoj të shihemi shpejt . Përgatisni pak raki që të bëjmë një dolli për jetën e për shëndetin e të gjithëve. Dhe më vonë mbase do të shihemi. Një përshëndetje për të gjithë miqtë e mi shqiptarë”
Gjatë një interviste në gusht të 2018-ës në Himarë, Luigi na tregoi lidhjen që kishte krijuar me Shqipërinë, e dashurinë hershme që kishte për të pasi me origjinë është nga Kalabria.
“Herën e parë kur kam ardhur, nuk kishte as autostradë. Nuk kishte asgjë, veç mrekullisë së detit. më kujton shumë fëmijërinë ky vend, pasi me origjinë jam kalabrez”.
Sot bisedën do e zhvillojmë nëpërmjet ekranit.
-Ju mungon Shqipëria?
“Numërojnë orët. Mezi po presim familjarisht që të vijmë. Ne e duam Shqipërinë, detin, malet , diellin. Gjithçka tuajën. Por duhet të presim çfarë vendimi do të merret. Është në dorë të qeverive, pasi situata këtu në Lombardi afër Milanos që jetojmë nuk ka qenë e lehtë. Plot dy muaj në karantinë, që qëndrojmë në shtëpi. Tani duket sikur situata është qetësuar”
“Me siguri që pas gjithë këtyre vështirësive do të vijë diçka e mirë e ku do të jemi të lumtur”.
Top Channel
