Autoritetet me dorë të hekurt, dënohen me burg 45 figurat më të njohura pro-demokracisë në Hong Kong 19/11 09:24
Një ish-diplomat i lartë i Koresë së Veriut ka kërkuar falje për deklaratën e tij se Kim Jong-un ka të ngjarë të jetë aq sëmurë sa “nuk mund të ngrihet në këmbë vetë apo të ecë siç duhet”, një deklaratë kjo e cila erdhi vetëm tre ditë para se diktatori të shihej duke pirë cigare në një event (shfaqje) publik(e).
Ish-ambasadori i Koresë së Veriut në Britani, Thae Yong Ho, i tha CNN-it se mungesa e tij “anormale” në publik më 15 Prill,sinjalizon se diktatori mund të jetë i dëmtuar fizikisht.
Në një deklaratë ai tha se ndjen “faj dhe përgjegjësi të rëndë” për pretendimet e tij të pabaza. Kim u zhduk nga media shtetërore për javë të tëra, duke nxitur spekulime sa i takon shëndetit të tij dhe vendndodhjes. Por të shtunën, media e Koresë së Veriut publikoi fotografi të Kim në një ceremoni të prerjes së shiritit për inaugurimin e një fabrike të plehrave.
Rishfaqja e tij erdhi si një goditje ndaj pretendimeve se Kim po vuante nga një sëmundje e rëndë ose mund edhe të kishte ndërruar jetë.
Top Channel
