Ditën e sotme në studion e Top Talk ishte i ftuar analisti i njohur Frrok Çupi i cili foli për një aleancë të mundshme Rama-Meta, ku u shpreh se është kategorikisht kundër.
Ai gjithashtu foli edhe në lidhje me zhvillimet e fundit politike në Kosovë, ku Albin Kurti dhe AKR e Pacollit pritet të kalojnë në opozitë me Avdulla Hotin kryeministër.
Denis Dyrjaja: Një situatë tipike mund të them se është edhe ajo që po ndodh në Kosovë vetëm se në ndryshim nga Shqipëria që kushtetuta është bërë leckë, duket e shkelur e rrënuar sipas tekave politike, atje e respektojnë ligjin themeltar të shtetit dhe çdo akt ka qenë brenda kushteve që përcakton kushtetuta. Qeveria Kurti ra dhe ju e parashikuat këtë gjë që në muajin dhjetor kur ne kemi biseduar në Top Talk sëbashku. Është vendosur Kurti përballë amerikanëve, apo amerikanët përballë tij në këtë lloji fakti të rrëzimit të qeverisë:
Frrok Çupi:
Nuk kishte si të mos binte qeveria Kurti sepse ishte një qeveri jashtë realitetit, ishte një qeveri që tentonte të sillte përsëri të njëjtën vuajtje dhe të njëjtin islamizim, sovjetizim, serbizim të Kosovës, gjë që uk mund të ndodhte.
Sot mund të themi se Kosova ndodhet në vitin 1999, kohën kur po tenton të zgjedhë rrugën drejt perendimit, apo drejt lindjes.
Por, është në një realitet krejt tjetër ku përgjithësisht e ndjen se është çliruar për shkak të perëndimit, për shkak të Amerikës, por ka tentuar që të zgjedh një qeveri ekstravagante anti korrupsion, por në fakt ka zgjedhur një qeveri totalisht të korruptuar dhe tërësish islamiste dhe marksiste.
Ju besoni që qeveria e Avdulla Hotit do të jetë jetëgjatë apo afat shkurtër?
Ne jemi mësuar që në trevat tona të flasim për qeveri të mira dhe qeveri të këqija, praktikisht ka qeveri të mira dhe të këqija, por nuk ka qeveri tmerrësisht të këqija përveç qeverisë së Enver Hoxhës.
Për fat të keq ne duhet të zgjedhim sërish që të shpëtojmë vendin dhe Kosova zgjodhi për ta shpëtuar vendin nga një politikë shumë pro kineze, ruse, islamike.
Top Channel
