Një ngjarje e rëndë tronditi Shkodrën sot. Një person u qëllua dy herë me armë pas një konflikti. Gazetari i Top Channel, Klodian Zhivani dha detaje rreth ngjarjes në Open në Top Channel.
“Gëzim Beci rreth orës 17 në zonën tek Ura e Bunës ka takuar një të njohur të tijin. Ata kanë diskutuar për një pronë. Debati ka degjeneruar në dhunë fizike dhe në përdorimin e armës.
I dyshuari kryesor i ngjarjes ka qëlluar 2 herë me armë silenciator. Policia bën me dije se autori u arrestua por identiteti i tij nuk bëhet publik.
Gëzim Beci u dërgua me urgjencë në spital, ku njëri plumb e kishte kapur në qafë dhe tjetri në dorë. Në momentin që flasim Beci është jashtë rrezikut për jetën”- dha detaje Zhivani.
Top Channel
