Protestat në universitetet amerikane kundër luftës në Gaza, Biden: Të mos shkaktohet kaos, rendi duhet të mbizotërojë 02/05 21:25
Teksa plani në fjalë ndodhet në diskutim e sipër nga qeveria, kushdo që do të hyjë në Mbretërinë e Bashkuar mund të detyrohet të futet në karantinë për dy javë.
Dominic Raab, i cili ka funksionuar si kryeministër për gati tre javë, teksa Boris Johnson po merrte veten nga koronavirusi, konfirmoi se propozimet janë në shqyrtim.
Raab u pyet sa u takon raporteve që të gjithë udhëtarët do të duhet të plotësojnë me detaje në lidhje me shëndetin e tyre, si dhe adresën ku ata do të izolohen. I pyetur nëse qeveria do të fillojë kufizimin e fluturimeve që vijnë në Mbretërinë e Bashkuar ose do t’i karantinojë njerëzit sapo të arrijnë, Z. Raab tha se “çdo masë e re që është e nevojshme” do të merret.
Ai shtoi:
“Kjo është diçka që ne do ta shohim dhe mund të përfshijë testimin për njerëzit që vijnë, mund të përfshijë masa sociale distancimi dhe ne do të sigurohemi … janë duke marrë të gjitha masat që janë të domosdoshme për të mbrojtur shëndetin e njerëzve, për të mbrojtur jetën e tyre, por edhe për të ruajtur mënyrën tonë të të jetuarit, ndërsa ne shkojmë përpara, ekonomikisht dhe shoqërisht “.
Dy javë është sasia maksimale e kohës që duhet përpara se dikush i infektuar me koronavirus të fillojë të shfaqë simptoma.
Top Channel
