Mesditën e sotme, në qendër të Korçës një punonjës i rendit u plagos në fytyrë me thikë për shkak se kishte gjobitur agresorin 48-vjeçar.
Ngjarja dyshohet të ketë ndodhur prej detyrës, pasi 48-vjeçari I.F, para disa ditësh është konstatuar duke lëvizur si këmbësor pa autorizimin përkatës dhe është ndëshkuar me masë administrative, nga punonjësi i policisë.
Punonjësi i policisë Spartak Zotka, aktualisht po merr mjekim në Spitalin e Korçës, ku ndodhet jashtë rrezikut për jetën.
Njoftimi i policisë:
Mesditën e sotme, pranë “Kullës Red” në Korçë, shtetasi I. F., 48 vjeç, dyshohet se për shkak të detyrës, ka plagosur me mjet prerës punonjësin e Komisariatit të Policisë Korçë S. Z., i cili ka qenë jashtë shërbimit dhe më pas është larguar nga vendngjarja.
Falë reagimit të shpejtë të Policisë dhe mirëorganizimit të veprimeve u bë e mundur kapja dhe arrestimi në flagrancë i autorit të dyshuar të ngjarjes, i cili aktualisht ndodhet në ambientet e Komisariatit.
Top Channel
