Gjermania ka bërë të ditur planet për të bërë të detyrueshme vendosjen e maskave për të gjithë qytetarët, e gjithë kjo vjen në kuadër të parandalimit të mëtejshëm të koronavirusit të ri, Covid-19.
Bremeni ka qenë rajoni i parë federal që ka mbështetur masat, pasi Senati i tij ka konfirmuar vendimin të premten. Vendosja e maskave do të jetë e detyrueshme kur përdoret transporti publik në gjithë Gjermaninë dhe gati të gjitha shtetet do të marrin vendim për vendosjen e tyre edhe gjatë blerjeve nëpër dyqane.
Kancelarja gjermane, Angela Merkel ka rekomanduar fuqishëm vendosjen e tyre javën e kaluar, kur ka lehtësuar masat e izolimit në nivel kombëtar.
Shtete të ndryshme kanë marrë vendime të ndryshme sa u përket udhëzimeve për përdorim të maskave. Austria i ka bërë ato të detyrueshme gjatë blerjeve nga fillimi i këtij muaji, ndonëse Zvicra ka njoftuar të mërkurën se nuk të kërkojë vendosjen e tyre nga qytetarët, teksa lehtëson masat e izolimit.
Instiuti gjerman, Robert Koch ka konfirmuar 150,648 persona të prekur dhe 5,315 viktima si pasojë e koronavirusit të ri në Gjermani.
Top Channel
