Helikopteri me të cilin po udhëtonte u zhduk, publikohen pamjet e presidentit iranian përpara incidentit 19/05 20:45
Në mesin e përgjigjeve mbi pyetjet në lidhje me shëndetin e ekonomisë së vendit, zëdhënësi i Kremlinit, Dmitry Peskov u shpreh ditën e sotme se Rusia ka rezerva të mjaftueshme parash për të kompensuar rënien e çmimit të naftës,
Në një video-konferencë me reporterët, Peskov minimizoi ndikimin e çmimit të ulët, duke thënë se rënia në të ardhmen e majit ishte “një moment absolutisht spekulativ, thjesht një moment tregtimi”, dhe se zhvendosja e tregut në çmime negative “nuk duhet të pikturohet me ngjyra apokaliptike . ”
Rusia mbetet shumë e varur nga të ardhurat prej eksporteve të naftës dhe gazit, por ka një fond rezervë për të mbuluar mungesat në buxhetin kombëtar.
“Gjëja kryesore këtu është që qeveria jonë dhe udhëheqja jonë i kanë të gjitha rezervat e nevojshme për të zvogëluar pasojat negative të paqëndrueshmërisë së tillë ndërkombëtare në ekonominë tonë, dhe natyrisht, të gjitha burimet që janë në dispozicion do të përdoren,” tha Peskov.
Peskov shtoi se Presidenti Rus Vladimir Putin nuk kishte plane të menjëhershme për të diskutuar situatën me Presidentin e SHBA-së, Donald Trump. Të dy udhëheqësit kanë folur në telefon të paktën katër herë javët e fundit, sipas CNN-it.
Top Channel
