Zbuloni ushqimet që ndihmojnë në humbjen e peshës dhe përmirësojnë metabolizmin 16/11 19:10
Vendet që kanë një popullsi të vaksinuar ndaj tuberkulozit shfaqin një normë të vdekjes nga koronavirusi, pothuajse gjashtë herë më të ulët se vendet e tjera.
Vaksina BCG u shpik një shekull më parë dhe fal imunitet ndaj tuberkulozit (TB), një infeksion bakterial. Testet e mëparshme zbuluan se njerëz që e marrin atë, kanë sisteme të përmirësuara të imunitetit dhe janë në gjendje të mbrohen nga infeksioni. Për shembull, në një test midis amerikanëve indigjenë, vaksinimi me BCG në fëmijëri ishte në gjendje të ofronte mbrojtje kundër TB deri në 60 vjet pas vaksinimit. Mënyra e saktë se si kjo vaksinë e qëndrueshme ndihmon në largimin e infeksioneve të tjera është relativisht e panjohur, por mund të jetë duke forcuar mekanizmat e lindur të sistemit imunitar.
Këto të ashtuquajturat efekte “të paqëllishme” përfshijnë mbrojtje të zgjeruar kundër sëmundjeve të frymëmarrjes dhe janë të njohura edhe nga Organizata Botërore e Shëndetit (OBSH). Studiuesit shpresojnë se vaksina do të ngarkojë sistemin imunitar në mënyrë që të jetë në një gjendje të lartë gatishmërie dhe të zbulojë dhe shkatërrojë virusin para se të shkatërrojë trupin.
Studiuesit nga SHBA shkruajnë: “Vëzhgimi intrigues i një lidhjeje të rëndësishme midis përdorimit të BCG dhe vdekshmërisë së ulët të atribuuar nga COVID-19, mbeti i dukshëm”.
Gjetjet u botuan në internet në sitin arkivor “medRxiv” dhe jo në një revistë pasi hulumtimi duhet ende të rishikohet nga partnerët, proces në të cilin akademikët e tjerë shqyrtojnë punët kërkimore. Ekspertët e Shkollës së Shëndetit Publik “Johns Hopkins Bloomberg” bashkuan të dhëna të disponueshme publikisht për analizën.
Një vlerësim mbi shkallën e vdekshmërisë së rasteve u prodhua nga të dhënat më të mira të disponueshme për vdekshmërinë për 50 vendet e para që raportojnë raste më të larta.
“Në mënyrë që të lehtësojmë paragjykimin rreth diferencave kohore të nisjes së epidemisë në vende të ndryshme, ne kemi llogaritur ditët nga rasti i 100-të pozitiv me COVID-19 për të lidhur vendet në një kurbë kohe më të krahasueshme”, shpjegojnë studiuesit.
Rastet dhe vdekjet u krahasuan më pas me programet e vaksinimit për vaksinën BCG. Shkalla e vdekjes mesatare gjithashtu u zbulua se ndryshon dukshëm në bazë të klasifikimit ekonomik të një vendi.
Vdekshmëria nga COVID-19 për një milion për vendet me të ardhura të mesme të ulëta, të ardhura të mesme të larta dhe të ardhura të larta, ishin përkatësisht 0.4, 0.65 dhe 5.5,
Akademikët nuk janë në gjendje të shpjegojnë pse ndodh kjo, por tregojnë për hulumtimet e mëparshme që vdekjet nga sëmundja akute të frymëmarrjes janë zakonisht më të larta në mjediset me të ardhura të ulëta për shkak të faktorëve të shumëfishtë të rrezikut socio-demografik dhe ekonomik. Për shembull, COVID-19 dihet se është më i rrezikshëm për njerëzit mbi moshën 65 vjeç, dhe kjo demografi është më pak e populluar në kombet më të varfra.
Studiuesit thonë se rezultatet e tyre duhet të shqyrtohen me kujdes pasi ekzistojnë disa çështje që mund të shtrembërojnë gjetjet.“Përkundër të gjitha këtyre informacioneve, marrëdhëniet e anasjellta midis statusit ekonomik të vendit dhe vdekshmërisë së atribuuar nga COVID19, dhe lidhja e fortë ekologjike me vaksinimet BCG është intriguese. Gjetjet kërkojnë një kontroll më të thellë epidemiologjik dhe vlerësim të ardhshëm në teste të rastit individualisht”.
Tashmë janë duke u bërë teste për të vlerësuar dobinë e vaksinës BCG në luftën kundër pandemisë koronavirus.
Top Channel
