“Serbia nuk luan dot me Kosovën”/ Deputeti gjerman, Thomas Hacker: Bisedime të reja pas zgjedhjeve
24/11 12:24
Kryetari i Partisë Demokratike të Kosovës, Kadri Veseli pas takimit me presidentin Hashim Thaçi tha se të gjithë e dinë se nuk mund të mbahet zgjedhjet e jashtëzakonshme për 45 ditë në kohë pandemie sepse nuk mund të rrezikohen qytetarët, ndërkaq sipas tij, PDK e ka pozicionin politik të qartë në këtë situatë, do të jetë opozitë.
Veseli tha se ajo çfarë kërkon PDK është të respektohet Kushtetuta dhe të mbrohet vullneti i qytetarëve, përgjegjësi të cilat tha se i kanë të gjithë bashkërisht në këto momentet të jashtëzakonshme që po kalon vendi, qoftë me pandemi, për aq sa edhe ruajtjen e sovranitetin të shtetit dhe interesit të qytetarëve.
“Sa i përket zgjedhjeve të jashtëzakonshme vetëm keni parasysh gjithmonë faktin e pandemisë. Ne nuk e dimë deri kur do të përfundojë kjo çështje. Vullneti i sovranit është ma legjitimja, por në rrethana kur jemi në situatë me pandemi a është ndoshta hipokrizi nganjëherë të flitet për zgjedhje të jashtëzakonshme kur gjithë mund ta dinë se nuk mund të jenë për 45 ditë zgjedhjet e jashtëzakonshme. Nuk mund t’i rrezikojmë qytetarët”, tha Veseli.
Sipas tij, PDK e ka të qartë pozicionin politik në këtë situatë, do të jenë opozitë.
“Sido që të jetë Partia Demokratike e Kosovës ka pozicion shumë të qartë politik në këtë situatë. Do të jemi opozitë dhe ta respektojmë Kushtetutën e Republikës së Kosovës”, tha ai.
Top Channel
