BE me sytë nga SHBA/ Blloku do bashkëpunim me presidentin e ri Trump, Zelensky: Paqja nuk blihet 08/11 12:25
Shtetet e Bashkuara të Amerikës kanë tani numrin më të madh të rasteve me koronavirus në botë, duke lënë pas Kinën dhe Italinë. Të premten, në Shtetet e Bashkuara shifra kaloi 100,000 raste të konfirmuara. Los Anxhelos parashikon tre-fishim të shifrave të të infektuarve në një javë. Spitalet ngrenë alarmin për mungesa të theksuara në pajisje mbrojtëse për personelin si dhe për trajtimin e pacientëve.
Kina 81,897, ndërsa Italia, epiqendra e virusit në Evropë kishte 80,589 raste, sipas shifrave të Qendrës së Informacionit për Koronavirusin në Universitetin, Johns Hopkins. Presidenti kinez Xi Jinping i tha të premten në një bisedë telefonike presidentit amerikan Donald Trump se Kina është e gatshme t’i ofrojë mbështetje Shteteve të Bashkuara në betejën kundër virusit.
Pas telefonatës, zoti Trump shkruante në Twitter: “Sapo bëra një bisedë shumë të mirë me Presidentin Xitë Kinës. Diskutuam në hollësi për koronavirusin që po pllakos pjesë të mëdha të planetit tonë. Kina ka kaluar shumë dhe ka fituar shumë njohuri për virusin. Po bashkëpunojmë nga afër. Shumë respekt (për Kinën)!”
Por në konferencat e tij për shtyp, presienti amerikan nuk ka treguar shumë respekt për Kinën, duke bërë komente ofenduese lidhur me mënyrën se si e ka menaxhuar epideminë vendi aziatik. Udhëheqësi amerikan i është referuar shpesh sëmundjes si “virusi kinez”. Në Shtetet e Bashkuara, shteti i Nju Jorkut është epiqendra e virusit dhe qyteti i Nju Jorkut pika më e nxehtë. Në qytetin më të madh të vendit, ka pasur 21 mijë raste me COVID-19 dhe zyrtarët thonë se kjo shifër rritet me 3 mijë në ditë.
Ndërkohë, në Luizianë numri i rasteve po rriten me shpejtësi. Me 2,305 raste të konfirmuara, ky shtet ka të njëjtin nivel infektimi për frymë popullsie. Të paktën 83 vetë kanë vdekur. Të premten Dhoma e Përfaqësuesve ka në plan të miratojë një paketë stimujsh ekonomikë prej 2 trilionë dollarësh që Senati e miratoi të mërkurën në darkë dhe Presidenti Trump ka lënë të kuptohet se do ta nënshkruajë. Pjesa kryesore e paketës janë pagesat direkte ndaj individëve që kanë humbur punën dhe bizneset e detyruara të mbyllin dyert për shkak të epidemisë./VOA
Top Channel
