VIDEO/ Pesë humbje radhazi, Manchester City turpërohet me katër gola nga Tottenham, Chelsea dhe Arsenali nuk gabojnë 23/11 20:33
Atletja shqiptare Luiza fluturoi këtë të hënë drejt Kenias për të zhvilluar fazën përgatitore pavarësisht emergjencës së shkaktuar nga koronavirus.
Kampionia nënvizoi se gjithçka ishte e planifikuar përpara se situata të përkeqësohej dhe rruga e hapur ajrore drejt vendit afrikan, e shtyu të mos anulojë një program të vlefshëm.
Shpresa kryesore e shqiptarëve për medalje olimpike, Gega do të stërvitet për ditë me radhë në tokën e kampionëve, një qytezën e Iten me një lartësi prej 2400 metrash mbi nivelin e detit. Por gjithçka bëhet ndërsa vetë turneu është në pikëpyetje.
Me kalimin e ditëve dhe afrimin e stinës së verës, po bëhet gjithmonë e më reale mundësia për anulimin e Lojërave Olimpike të Tokios të parashikuara këtë vit. Komiteti Olimpik grek vendosi të zhvillojë me dyer të mbyllura ceremoninë e dorëzimit të flakës olimpike, për homologët japonezë, madje anuloi dhe akreditimet e gazetarëve për ceremoninë që mbahet këtë javë në stadiumin e Athinës, vendin ku për herë të parë u zhvillua olimpiada e parë moderne në 1896.
Por më e keqja është me situatën në Azi. Shumë atletë të njohur kanë kërkuar shtyrjen e Lojërave olimpike duke vendosur në plan të parë sigurinë, dhe jo spektaklin apo kontratat me sponsorët, për edicionin në tokën japoneze. Sezoni i atletikës do të nisë në Doha muajin e ardhshëm, por etapa me të gjitha gjasat do të anulohet, një vendim i paralajmëruar këtë javë.
Top Channel
