Rrëzimi i avionit në Lituani, ngrihen dyshime se mund të jetë i lidhur me sabotim 25/11 22:20
Frika se presidenti amerikan Donald Trump është ekspozuar ndaj koronavirusit të ri është shtuar pasi një tjetër lider me të cilin ai u takua disa ditë më parë, po pret rezultatet e testimeve.
Presidenti brazilian Jair Bolsonaro do të zbulojë nesër nëse ka Covid-19, pesë ditë pasi u takua me Trump në rezortin e këtij të fundit Mar-A-Lago në Florida. testimet vijnë pasi sekretari i tij i shtypit Fabio Wajngarten, u konfirmua kësaj jave i infektuar me Koronavirus.
Bolsonaro e Wajngarten kanë qenë në një darkë me Trump dhe zv. Presidentin Mike Pence ku Trump u pa të shtrëngonte dorën me presidentin brazilian.
Trump tha se nuk ishte i shqetësuar nga mundësia e kapjes së sëmundjes. “Ne darkuam së bashku, nuk kishte asgjë të pazakontë. Ishim të ulur pranë njëri-tjetrit për njëfarë kohe”.
Por Trump bie në kategorinë demografike më të rrezikuar nga komplikimet e koronavirusit teksa OBSH ka thënë se njerëzit mbi 60 vjeç dhe ata me gjendje të tjera problematike të shëndetit si tension i lartë, diabet, sëmundje kadiovaskulare, sëmundje të rrugëve respiratore dhe kancer.
Top Channel
