Një grua në Tiranë i kërkoi policisë të hetojë bashkëshortin , pasi ai kishte angazhuar njerëz që ta ndiqnin këmba-këmbës dhe që pas përndjekjes që gruas i ishte kthyer në ankth, asaj i janë shkrepur fotografi në një ambient publik.
Denoncimi është regjistruar pranë komisariatit numër 3 tha gazetarja Anila Hoxha që dha detaje mbi denoncimin e shtetases me inicialet K.P.
Sipas burimeve të Top Channel kallëzuesja vë në dijeni policinë se teksa po pinte kafe me priftin e kishës ku ajo lutet, pasi e kanë ndjekur disa persona i janë afruar tavolinës së saj dhe kanë shkrepur fotografitë.
Më pas këto fotografi thotë një burim policor i gazetares Anila Hoxha , janë dërguar nga bashkëshorti i gruas përmes telefonit tek të afërmit e saj që ndërkohë kanë hedhur akuza dhe dyshime për priftin dhe personat me të cilët gruaja po konsumonte kafe.
Për situatën policia pyeti edhe xhaxhanë e gruas , të cilit gjithashtu i është dërguar fotografia tha gazetarja Anila Hoxha.
Por i moshuari i tregon policisë në komisariatin numër 3 se bashkëshorti i mbesës po trillon situata për të justifikuar kërkesën për divorc. Duke ju referuar të dhënave të mësipërme dhe thashethemeve të përhapura qëllimisht nga familja e burrit se ajo po e tradhtonte bashkëshortin me priftin, kallëzuesja i kërkoi policisë të zbulojë të vërtetën.
Por siç shtoi një burim i Top Channel, sapo agjentë të komisariatit numër tre kanë tentuar të marrin në pyetje edhe të denoncuarin, burri nuk është gjetur në shtëpi, dhe gjithashtu ai kishte fikur edhe telefonin.
Top Channel
