Video/ Qielli “vishet” me ngjyra në Indonezi, regjistrohet fenomeni i rrallë i reve 04/05 09:15
Taylor Swift është artistja me shitjet rekord gjatë 2019. IFPI, organizata që përfaqëson industrinë diskografike në botë, e ka kurorëzuar artisten amerikane për të dytën herë, pas një vlerësimi të mëhershëm në 2014.
2019, ka qenë një vit jashtëzakonisht i suksesshëm për Swift, që në gusht publikoi albumin e saj të shtatë, Lover. Disku në fakt arriti majat në më shumë se dhjetë shtete dhe në javën e parë pas publikimit arriti pragun e tre milionë shitjeve në botë.
Ed Sheeran zë vendin e dytë. Albimi No.6 collaborations project, me të ftuar të kalibrit të Stormzy, Cardi B, Camila Cabello dhe Khalid, është renditur i parë në plot 19 vende. Ndërsa singëlli i Don’t Care, me Justin Bieber, ka arritur numrin një në 26 shtete.
Pas një viti plot suksese, Post Malone ka pushuar në fakt podiumin e tretë, duke u ngjitur me një pozicion krahasuar me 2018. Singëlli Luledielli, me Swae Lee, që ka fituar shumë popullaritet në platformat e streamingut gjatë 2019, në shtator, u pasua nga publikimi i albumit të tretë, “Hollywood’s Bleeding”, që ka arritur numrin një në disa vende, mes të cilëve Australia, Kanadaja, Mbretëria e Bashkuar dhe SHBA.
Menjëherë pas vendit të tretë, vjen Billie Eilish, e ndjekur nga Queen e Ariana Grande, në pozicionet më të ulëta të klasifikimit vjen banda koreano-jugore BTS, reperi Drake, Lady Gaga dhe Beatles.
Top Channel
