Policia italiane ka arrestuar një shqiptar të shpallur në kërkim ndërkombëtar nga autoritetet greke për shkak se akuzohet si pjesëtar i bandës që kishte sjellë në Greqi një sasi prej 1.2 ton kokainë që u kap më 25 janar të këtij viti.
Sipas mediave italiane Arapi është kapur në veri të Italisë teksa udhëtonte me një makinë “BMË” së bashku me dy persona të tjerë.
Kujtojmë se droga e kapur në Janar ishte e fshehur në një banesë, ndërsa në pranga ranë 6 shqiptarë, kreu i bandës Aleksandër Pema, i cili është arrestuar së bashku me Arbër Përdeda, Ergon Tusi, Erlin Zotaj, Lek Doda dhe Maksim Preçi.
Ndërkohë në momentin e arrestimit, 42-vjeçari nuk ka bërë rezistencë, raportojnë mediat italiane. Tashmë pritet që ai të ekstradohet në Greqi për t’u përballur me akuzat e ngritura ndaj tij.
Droga e kapur në Agrinjo të Greqisë ishte nisur nga Karaibet ume destinacion Greqinë dhe në vazhdim do të shpërndahej në Shqipëri Spanjë dhe vende të tjera të BE.
Operacioni u zhvillua në bashkëpunim me DEA-n amerikane në Agrinjo, pranë Patras. Droga ishte fshehur në një kompleks dhomash plazhi të marrë me qira në fshatin Astakos pranë qytetit të Agrinjos. Ndërkohë sipas mediave greke nëse droga e kapur do të shitej do të arrinte një shumë prej 120 milion eurove.
Top Channel
