Tmerri jashtë gjyqit të Trump-it, ndërron jetë 37-vjeçari që i vuri flakën vetes (Foto) 20/04 09:47
Të paktën 30 persona, duke përfshirë këtu një grua shtatzënë dhe një fëmijë, kanë humbur jetën në një sulm militant në Nigeri, shprehet zëdhënësi i guvernatorit për CNN.
Sulmi ndodhi në fshatin Auno, 20 kilometra larg kryeqytetit Maiduguri, paraditen e të dielës që lam pas.
Ata i vunë zjarrin 18 automjeteve, përfshirë disa kamionëve të ngarkuar me produkte ushqimore dhe mallra të tjera. Fotografitë nga vendi i ngjarjes treguan trupa njerëzish të shtrirë përkrah automjeteve të djegura.
Shehu Tanko, një prej banorëve, tha për CNN se trupat e një gruaje shtatzënë dhe foshnjës së saj ishin midis atyre që humbën jetën në këtë masakër.
“Ata i vunë zjarrin çdo gjëje. Zjarri vazhdoi deri në orët e para të mëngjesit. Ne jemi ende në kërkim të njerëzve përreth”, tha Tanko.
Sulmi i dyshuar i Boko Haramit mori jetën e 30 personave dhe mbetën të plagosur disa persona të tjerë, por askush nuk ka marrë përsipër përgjegjësin për këtë sulm. Militantët e Boko Haramit kanë një dekadë të tërë që djegin fshatra, sulmojnë pikat ushtarake dhe rrëmbejnë banorët, mes pretendimeve të përsëritura nga qeveria se ata janë mposhtur.
Top Channel
