“Duhet të ripërkufizojmë…”/ Kryeministri i Hungarisë: Nuk duam të jemi pjesë e operacioneve të NATO-s në ndihmë të Ukrainës 25/05 07:33
31 vjeçari Paras Shah fitonte një milionë paund në vit nga puna e tij si bankier. Por u shkarkua me turp pasi u kap duke vjedhur sanduiçe nga mensa e stafit.
Lajmin e raporton Financial Times, I cili shpjegon gjithashtu se kishte pasur një seri akuzash për vjedhje ushqimi ndaj kreut të sektorit të letrave me vlerë për Europën, Lindjen e Mesme dhe Afrikën.
Në fund, banka u detyrua të marrë masa. Veprimi i tij duket i vështirë pët tu shpjeguar, pasi Shah konsiderohej një prej bankierëve më fitimprurës të kompanisë. 31 vjeçari me zyrat në Canary Wharf , në lindje të Londrës kishte arritur t`ë rriste shkëmbimet për Citigroupin që dy muaj pas punësimit.
Ai kishte përfunduar studimet në universitetin e Bath, në vitin 2010 për ekonomi e kishte punuar për 7 vjet për bankën tjetër të njohur, HSBC përpara se t`i bashkohej Citigroup në 2017-tën.
Dhe duket se nuk shpenzonte pak: fotot e tij në facebook tregojnë se shijonte pushime ekzotike, përfshirë Machu Pichu-n në Peru.
Duket se Shah nuk është bankieri i parë që e gjen veten në një situatë poshtëruese për sjellje të pahijshme. Banka japoneze Mizuho Bank pezulloi nga puna një bankier në Londër në 2016-tën pasi ai u kap duke vjedhur 5 paund nga çanta e një kolegu.
Top Channel
