Në “Top Talk” ka qenë e ftuar ministria e Shëndetësisë, Ogerta Manastirliu ku ka folur për disa tema, ku një ndër to ishte Check Up.
Manastirliu u shpreh se është kaluar shifra e vendosur për ta kryer këtë shërbim nga 475.00 mijë persona ka qenë shifra fillestare, personat që kanë përfituar nga ky shërbim është mbi 480.000 mijë, kjo do të thotë shtoi ministrja se qytetarët janë të kënaqur. Në fjalën e saj ajo “thumboi” dhe opozitën të cilët e kanë konsideruar shërbimin e këtij Chek Up si aferën korruptive të radhës. Ministrja tha që opozita nuk vjen ta kryejë kontrollin mjekësor bazë në spitalet tona pasi një veprim të tillë ata e kryejnë jashtë.
“Nuk dua të them atë që mendoj unë si ministre e shëndetësisë, por po flas këtu me fjalët e Organizatës Botërore të Shëndetësisë, e cila në vlerësimin e saj e ka konsideruar programin e kontrollit shëndetësor bazë si një program kosto efektiv. Çfarë do të thotë? Program kosto efektiv do të thotë kur i shërben qytetarëve për të vlerësuar riskun përkundrejt sëmundjeve kronike apo sëmundjeve jo të transmetueshme. Kjo gjë i ka shërbyer qytetarëve e para për të rritur kulturën shëndetësore. Ne jemi konsideruar gjithmonë si një vend me kulturë të ulët shëndetësore. Ne shkonim tek doktori kur ishim sëmurë, pra nuk shkonim tek doktori për të parë nëse ne kemi probabilitet për të parë nëse ne kemi probabilitet për t’u sëmurë. Ndaj kontrolli bazë, i cili është një kontroll që kryhet falas një herë në vit për grupmoshën 35-70 vjeç ofron mundësinë për të vlerësuar riskun përkundrejt sëmundjeve kronike. Nuk është vetëm një test. Ndonjëherë me thënë të vërtetën më vjen keq kur thonë u bë analiza. Nuk është një analizë, janë 48 teste parametra të cilat vlerësohen. Qytetarët kanë shkuar në 2019 nga 475.000 mijë qytetarë që planifikoheshin të bënin kontrollin mjekësor bazë, e kanë kryer kontrollin mbi 480.000 mijë qytetarë. Është një shifër shumë premtuese dhe unë jam e kënaqur si ministre. Për ne është më e rëndësishme të parandalojmë sesa të kurojmë. Kostot që reduktojmë në spitalet tona duke parandaluar sëmundjet janë shumë më të mëdha sesa po të kishim qytetarë që sëmureshin dhe shkonin në spital. Po ulim edhe vetë invaliditetin e vetë qytetarëve. Sëmundjet kronike shoqërohen gjithashtu me invaliditet. Kontrolli mjekësor bazë i cili është një instrument në dorën e mjekut të familjes. Sot mjeku i familjes ka katër vite që ka një instrument që ta vlerësojë qytetarin të cilit duhet ti vlerësojë riskun përkundrejt sëmundjeve. Katër vite më parë nëse do të shkoje tek mjeku i familjes çfarë do të thonte mjeku i familjes? Do të thoshte dot bëj këtë set analizash, 48 analiza. Nuk t’i thoshte dot sepse nuk kishte se çfarë të ofronte. Do të thoshte shko tek mjeku specialist dhe kur do të thoshte, kur ty të lindte një simptomë. Pra kur ti të kishe një të dhënë që ishe sëmurë. Ndërkohë ne të gjithë qytetarët nga 35-70 vjeç kryejmë çdo vit”, u shpreh Ogerta Manastriliu.
Më tej ajo tha:
“Opozita është mësuar të hedhë baltë në vazhdimësi për çdo projekt që është bërë dhe jo vetëm në shëndetësi. Përgjigja më e mirë për opozitën është vajtja e qytetarëve për të kryer kontrollin mjekësor. Vajtja e prindërve tanë për të kryer një herë një herë në vit kontrollin mjekësor bazë. Ndoshta opozita nuk shkon ndonjëherë për ta kryer kontrollin mjekësorë bazë sepse shkon jashtë vendit për ta kryer shërbimin mjekësor. Ndërsa të gjithë ata qytetarë të moshuar pensionistë nga 35 vjeç deri në 65 vjeç që shkojnë bëjnë kontrollin mjekësor bazë dhe e kryen atë pa kosto, janë ata që përfitojnë nga ky program. Ndoshta opozita nuk i intereson ta thotë edhe pse nuk e ndien këtë edhe thotë atë që mendon për të hedhur baltë. Fakti që 7.700 qytetar mbi targetin e përcaktuar, e kanë kryer këtë kontroll mjekësor bazë, në total janë mbi 480 mijë tregon se interesi për të kryer këtë kontroll, është rritur. Qytetarët shqiptar duan të kontrollohen duan që të dinë se si janë me shëndet dhe duan të parandalojnë sëmundjet. Kjo është detyra jonë detyra e një qeverie, është të parandalojë sëmundje dhe të krijojë instrumenta për të parandaluar sëmundje”.
Top Channel
