Pesë ushqime thelbësore për një jetë të shëndetshme dhe ekonomike 02/05 13:46
Shumë njerëz përjetojnë fenomenin e rënies së shpeshtë të flokëve. Megjithëse shumë studime janë bërë ende nuk ka një specifikim të qartë se përse rënia e flokëve është sezonale. Një problem, i cili padyshim është shqetësues për të gjithë njerëzit e vuajnë e që përpiqen me mënyra të ndryshme, ndonjëherë edhe të kushtueshme.
Disa nga faktorët kryesorë që shkaktojnë rënien e flokëve janë kushtet klimatike, mosha, niveli i lartë i stresit dhe dieta e varfër ushqimi. Mungesa e balancës hormonale, faktorët genetik, infeksionet e skalpit të kokës dhe duhanpirja mund të shkaktojnë gjithashtu rënien e flokëve. Ashtu siç mund të ndikojë edhe përdorimi i produkteve të pasura me kimikate, disa medikamente të caktuara. Në këtë dukuri aspak të pëlqyer ndikojnë dhe sëmundje të caktuara siç janë çregullime e tiroideve, imuniteti i dobët, anemia, pra, mungesa e hekurit si dhe sëmundjet kronike.
Lëngu i Qepës dhe Aloe Vera
Falë nivelit të lartë të squfurit, lëngu i qepës është ndër metodat më efikase natyrale për forcimin e flokëve dhe parandalimin e rënies së tyre. Lëngu i qepës ndihmon në qarkullimin e gjakut në rrënjët e flokëve, rigjeneron qelizat dhe redukton inflamacionin. Vetitë antibakteriale të lëngut të qepës ndimojnë gjithashtu kundër baktereve dhe parazitëve. Ky lëng ndihmon në trajtimin e infeksioneve të skalpit të kokës, çka shkakton edhe rënien e flokëve. Në një studim të publikuar në vitin 2002 (Journal of Dermatology), rreth 74 % e pjesëmarrësve në një eksperiment të cilët aplikuan lëngun e qepës përjetuan mbirjen e flokëve të reja.
Si T’i Përdorni
Aplikoni lëngun e qepës direkt në skalpin e kokës. Mbajeni ashtu për 30 minuta dhe më pas shpëlajeni. Më pas, lajini flokët si zakonisht. Një tjetër metodë është edhe përzjerja e tre lugë gjellë me lëng qepe dhe dy lugë gjelle me gjel aloe vera. Mund të shtoni edhe një lugë vaj ulliri. Aplikoni masën në skalpin e kokës dhe lëreni të paktën për 30 minuta para se ta shpëlani. Përdorini këto dy metoda dy apo tre herë në javë./AgroWeb
Top Channel
