Protestat në kampusin e Universitetit të Kolumbias, efektivi i policisë qëllon aksidentalisht me armë 03/05 22:59
Një zbulim i tmerrshëm është bërë në Panama, ku gjashtë fëmijë dhe një grua shtatzënë u gjetën brenda një varri masiv.
Mësohet se varrosja e trupave ka ndodhur pasi këta të fundit janë torturuar dhe vrarë nga një sekt fetar, gjatë një riti ekzorcizmi.
Trupat e tyre u gjetën në një gropë, pranë një vendi ku u zbulua se ky grup besimtarësh torturonte indigjenët. Gruaja shtatzënë dhe fëmijët dyshohet se janë vrarë gjatë një rituali të dhunshëm ekzorcizmi. Ata ishin pjesë e një komuniteti që jeton në xhungël, shumë pranë bregdetit.
Sipas policisë, rezidentët indigjenë, u rrethuan nga 10 predikues që i torturuan, rrahën, dogjën dhe goditën me hanxharë për t’i bërë ata të “pendoheshin për mëkatet e tyre”.
Gjatë operacionit policia arrestoi 10 anëtarë të sektit evangjelist, i njohur si “Drita e re e Zotit”. Ata gjithashtu shpëtuan 14 anëtarë të tjerë të grupit indigjen Ngabe Bugle që ishin lidhur dhe dhunuar me shkopinj.
Top Channel
