Arkeologët zbuluan 200 ‘ushtarë’ të gdhendur gjatë gërmimeve në ‘qytetin e të vdekurve’, afër varrit të perandorit të parë të Kinës, Qin Shi Huang.
Zbuluar nga fermerët vendas në vitin 1974, ushtria Terracotta krenohet me më shumë se 8.200 “ushtarë” të skalitur nga një legjion i zejtarëve vendas.
Besohet se ata u ndërtuan dhe u varrosën pas vdekjes së Huang 2,000 vjet më parë për ta mbrojtur atë në jetën e përtejme, transmeton KosovaPress.
Tani një grup i ri i skulpturave prej balte është gjetur nga një ekip arkeologësh në mauzoleun masiv të perandorit.
Zbuluar në një nga katër gropat e varrimit që rrethojnë lokacionin, ushtarët vijnë nga pesë rangje të ndryshme.
Një, i quajtur “më i ulët se më i ulëti”, më parë ishte i panjohur për ekspertët, njofton Shaanxi TV.
Ndër gjetjet e tjera në nekropol, i përbërë nga një kompleks pallatesh nëntokësore dhe oborret, ishte një figurë e devesë së artë.
Artefakti besohet të jetë më i vjetri në llojin e tij i zbuluar në Kinë. Gërmimet në hapësirën e mauzole vazhdojnë për disa dekada, me çdo zbulim të ri që hedh dritë mbi ushtritë e vërteta të dinastisë Qin Shin Huang.
“Luftëtarët terracota në mauzole janë rreshtuar në të njëjtën mënyrë si ushtarët e vërtetë mijëra vjet më parë në Dinastinë Qin (221-206 p.e.s.),” tha Liu Zheng për Global Times.
Anëtari i Akademisë së Relikteve Kulturore të Kinës pohon se arkeologët mund të hulumtojnë sisteme të vërteta ushtarake të dinastisë me këta luftëtarë të gërmuar.
“Për shembull, oficerët e moshuar qëndruan në frontin e formacioneve të tyre me shpatat në duar. Për më tepër, zyrtarët e vjetër mbanin pajisje të ndryshme për flokët e vartësve të tyre”, tha ai.
Ushtria Terracotta është një koleksion misterioz i më shumë se 8,000 skulptura në Kinë. “Ushtarët” e ushtrisë janë statuja me përmasa jeta mesatare 1.8 metra të gjatë. Ata janë të vendosur në një pjesë të një nekropoli të madh që rrethon varrin e Qin Shi Huang, perandorit të parë të Kinës.
Ushtria Terracotta është vetëm një pjesë e kompleksit më të gjerë të nekropolit të Huang, për të cilin ekspertët besojnë se mbulon rreth 98 km katrorë.
Mendohet se një ekip prej 700,000 zejtarësh ndërtoi luftëtarët gjatë një periudhe disa vjeçare. Secila prej statujave të përmasave të jetës është unike, me veshje, forca të blinduara dhe armë. Gërmimet e skulpturave antike vazhdojnë.
Top Channel
