Një lule e kuqe e ndritshme që mban erë mishi të prishur ka lulëzuar në Indonezi e cila është 117 cm e gjatë, duke e bërë atë një nga lulet më të mëdha në botë.
Rafflesia tuan-mudae ka petale të mëdha dhe lulëzon në pyllin e shiut në Indonezi para se të vdiste pas vetëm një javë.
Raportet lokale pretendojnë se lulja është e para e një grupi prej pesë luleve që pritet të lulëzojnë.
Rafflesia është emri i një grupi të madh të bimëve, që mbajnë erë mishi të kalbur për të tërhequr mizat dhe brumbujt, transmeton KosovaPress.
Bimët jetojnë si një parazit në hardhitë, por lulëzojnë vetëm për disa ditë në të njëjtën kohë.
Bimët e tjera në gjini mund të rriten gjithnjë e më të mëdha dhe një Rafflesia Arnoldii frymëzoi karakterin Pokemon Vileplume.
Ade Putra, nga bordi i ruajtjes në Indonezi, tha se për këtë lloj specie, diametri është mjaft i madh.
“Në vitin 2017 kemi hasur në të njëjtën lule me një diametër 107 cm”, tha ai.
Sipas Ade, bazuar në të dhënat shkencore dhe dokumentacionin, madhësia e diametrit të gjetur muajin e kaluar, është më e madhja për 31 llojet e luleve Rafflesia në botë.
Top Channel
