“Zefi i shtruar në psikiatri nga Sigurimi e Ndoci me 40 mijë këngë”, ironia e Demaliajt: Frederiku i internuar këndonte në Tiranë, kur e dërgoi Foto Çami te Ramizi… 21/05 23:09
Ilir Meta do t’i drejtohet Komisionit të Venecias në lidhje me shkeljet kushtetuese të Kuvendit të Shqipërisë, në procesin e zgjedhjes së dy anëtareve të Gjykatës Kushtetuese, lajmëron Tedi Blushi, zëdhënës i Presidentit të Republikës, .
Ky reagim vjen pas shtimit të akuzave për presidentin Ilir Meta, nga ana e Komisionit Hetimor dhe paralajmërimit të vetë komisionit, se të gjitha akuzat e mbledhura do të adresohen përmes Komisionit të Venecias.
Njoftimi në fjalë u bë përmes një statusi në Facebook të Blushit:
“Nuk mund të frenojmë askënd, e aq më pak Kuvendin e Shqipërisë, të kërkojë këshilla miqësore apo të kundërshtojë në Komisionin e Venecias, Dekretin e Presidentit të Republikës Sh.T.Z Ilir Meta, për emërimin e anëtares së Gjykatës Kushtetuese në plotësim të vakancës së tij. Shteti Shqiptar ka një marrëdhënie të konsoliduar me Komisionin e Venecias dhe institucionet që vendosin t’i drejtohen këtij organi këshillimor, duhet ta ushtrojnë këtë të drejtë objektivisht dhe jo për përdorim politik.
Megjithatë nëse Kuvendi, do të vijojë me rrugën e zgjedhur dhe vërtet dëshiron të shterojë objektivisht këtë çështje, Presidenti i Republikës bën me dije se, do t’i drejtohet Komisionit të Venecias në lidhje me shkeljet kushtetuese të Kuvendit të Shqipërisë, në procesin e zgjedhjes së dy anëtareve të Gjykatës Kushtetuese, si zgjedhje të bëra pa garë, pa mundësi zgjedhjeje, vetëm me një kandidat, dhe në kundërshtim me radhën që dikton Kushtetuta dhe kriteret e ligjit për organizimin e Gjykatës Kushtetuese.”
Top Channel
