Rezultatet live/ Dalin projeksionet, Trump kryeson me 105 vota elektorale dhe udhëheq në Georgia, Harris 72, prin në Karolinën e Veriut 06/11 02:02
Italia do të bëhet vendi i parë në botë që do ta bëjë riciklimin dhe krizën klimaterike një lëndë të detyrueshme për nxënësit e shkollës.
“Shkollat shtetërore do të fillojnë të përfshijnë agjendën e OKB për zhvillim të qëndrueshëm në sa më shumë lëndë që të jetë e mundur, që nga shtatori me një orë në javë që do ti dedikohet temave mes të cilave ngrohja globale dhe ndikimi i njeriut tek planeti. Lëndë të tjera, përfshirë Gjeografinë, Matematikën dhe Fizikën, po ashtu do të shpjegohen nga perspektiva e qëndrueshmërisë”, tha ministri italian i arsimit, Lorenzo Fioramonti.
“Unë dua ta bëj sistemin italian të arsimit, të parin që vendos ambientin dhe shoqërinë në qendër të gjithçkaje që ne mësojmë në shkollë”, tha ai.
Fioramonti është një anëtar i lëvizjes pro-ambjentit, pesë yjet dhe mbështetësi më i zëshëm i qeverisë për politikat e gjelbra dhe më herët është kritikuar pasi ka propozuar taksa për biletat e avionëve, plastikën dhe ushqimet me sheqer në mënyrë që të gjenerohen fonde për edukimin dhe mirëqënien.
Madje edhe projektbuxheti i qeverisë për 2020, i prezantuar këtë javë në parlament, përfshinte një taksë mbi plastikën dhe pijet me sheqer. Sondazhet kanë treguar se 80 për qind e italianëve mbështesin taksën mbi sheqerin dhe fluturimet por prodhuesit e industrisë kundërshtojnë taksën mbi plastikën duke argumentuar se masa penalizon produktet por jo sjelljen dhe rëndon mbi konsumatorët, punëtorët dhe bizneset.
Top Channel
