“Luajtja bixhoz me marrëdhëniet me aleatët nuk i bën nder Kosovës”, Presidentja Osmani ashpërson gjuhën ndaj Kurtit: Asnjëherë s’i kam kuptuar talljet ndaj partnerëve
21/11 12:00
Ndërsa Franca mban qëndrim bllokues ndaj liberalizimit të vizave për Kosovën, siç bëri së fundmi me Shqipërinë dhe Maqedoninë e Veriut, kryeministri në detyrë, Ramush Haradinaj, thotë se kosovarët do të mund të lëvizin lirshëm në Evropë, nga dhjetori.
Për Kosova Press, Haradinaj thotë se janë shumë reale gjasat që Kosova të hyjë në dhjetor në agjendën e Këshillit Evropian dhe se vendimet e shteteve anëtare mund ti ndezin dritën jeshile liberalizimit të vizave për qytetarët e Kosovës.
“Gjermania besoj se do i japë një epilog pritjes së gjatë për vendim para Krishtlindjeve. Këshilli i Evropës mban takim në dhjetor pra mbetem me shpresë që do të jemi në agjendë. Unë nuk e shoh gjendjen të njëjtë me zhvillimet për hapjen e negociatave me Maqedoninë e Veriut dhe Shqipërinë”, shprehet Haradinaj.
Por për ekspertët, gjasat që liberalizimi të ndodhë në dhjetor, nuk janë të mëdha. Sipas tyre, institucionet e Kosovës nuk kanë dëshmuar gadishmëri për të luftuar krimin e organizuar. Për ta, liberalizimi jo vetëm që nuk do të ndodhë këtë vit, por procesi do të kërkojë akoma shumë kohë. Ekspertët vlerësojnë qëndrimin e Gjermanisë ndaj procesit, por mendojnë se nuk ka gjasa që Franca të ndryshojë qëndrim pa parë rezultate konkrete në luftën ndaj korrupsionit.
Mediat kosovare ndërkohë kanë shkruar se burime diplomatike nga Franca thonë se pa përmbushjen e kriterit të luftimit të krimit të organizuar dhe korrupsionit, Kosova nuk do ta marrë liberalizimin e vizave. Dhe në pritje të liberalizimit, çdo qeveri kosovare jep afatet e saj, gjithnjë më të ngarkuara me optimizëm se ç’duhet, me qeverinë Haradinaj që kishte përmendur fillimisht fundin e vitit 2018 dhe më pas qershorin 2019.
Top Channel
