U zëvendësua nga Elton Alushi/ Tonin Vocaj reagon për herë të parë pas dorëzimit të detyrës: Ndjej detyrimin të… 14/11 14:37
Anëtarët e BE-së kanë renditur në listën e pesticideve të ndaluara edhe substancën e katërt të neonicotinoidit që konsiderohet një rrezik për njerëzit dhe bletët, kanë njoftuar Komisioni Evropian dhe EFSA.
Rënia e popullsisë së bletëve vitet e fundit ka qenë e lidhur me përdorimin e pesticideve në bujqësi.
Bletët luajnë një rol të rëndësishëm për bimët, kështu që rënia e numrit të tyre ka ngritur shqetësime për ekonominë dhe furnizimin me ushqim.
Shtetet anëtare të BE-së më herët ndaluan përdorimin e pesticideve në natyrë klianidin, imidacloprid dhe tiamethoxam vitin e kaluar, për shkak të efekteve të tyre të dëmshme në sistemin nervor qendror të insektit, duke përfshirë bletët.
Thiacloprid do të shtohet në listë pas vendimit të sotëm nga një panel ekspertësh që përfaqësojnë 28 vende të BE-së, njoftoi Autoriteti Evropian për Sigurinë e Ushqimit EFSA në Twitter.
Agjencia lëshoi një analizë të substancës në janar të këtij viti, duke theksuar veçanërisht shqetësimet në lidhje me depërtimin e saj në ujërat nëntokësore.
“Është konstatuar gjithashtu se nuk ka të dhëna të mjaftueshme për të vlerësuar rrezikun që paraqet ekspozimi i njeriut ndaj mbetjeve të asaj lënde, tha një zëdhënëse e agjencisë.
Është gjithashtu e pamundur të vlerësohet rreziku i shpendëve, gjitarëve, organizmave ujorë, bletëve dhe bimëve që nuk janë synimi i zbatimit të tij”, shtoi ajo.
Sipas KE-së, licenca e vlefshme e gjigantit kimik gjerman BASF për përdorimin e thiaclopridit skadon në fund të prillit të vitit të ardhshëm.
Top Channel
