BE nuk heq masat ndaj Kosovës? Rekomandimi në “sirtar”, Stano: Duhet pajtim!
15/11 14:57
Zëdhënësja e Bashkimit Europian, Maja Kocijançic e cilësoi 6 tetorin një ditë të mirë për demokracinë në Kosovë.
Në reagimin e saj të parë pas zgjedhjeve të parakohshme parlamentare të së dielës, Kocijançic nënvizoi se ishte shumë pozitiv fakti, që në këto zgjedhje, votuan më shumë qytetarë se në ato të mëparshmet në vitin 2017. Ajo u shpreh se qeverinë e re të Kosovës po e presin detyra të rëndësishme, duke përmendur zhvillimin ekonomik dhe shoqëror, sundimin e ligjit dhe angazhimin për rifillimin e dialogut me Beogradin.
“Kjo është në dobi të qytetarëve të Kosovës dhe tërë rajonit. BE-ja do të vazhdojë punën dhe bashkëpunimin e saj me Kosovën dhe do të promovojë pajtimin, bashkëpunimin rajonal dhe marrëdhëniet e fqinjësisë së mirë në Ballkanin Perëndimor”, ishte komenti i zëdhënëses.
Bashkimi Evropian dërgoi një mision monitorimi në zgjedhjet e parakohshme parlamentare të mbajtura në Kosovë, më 6 tetor. Misioni do të paraqesë një vlerësim paraprak më 8 tetor dhe do të publikojë një raport përfundimtar në muajt e ardhshëm.
Top Channel
