Shtohen vizitat mjekësore. Fushatat për kancerin e gjirit kanë dhënë efekt
02/10/2019 15:28
Tërhoqi një qen me zinxhir pas automjetit, nën hetim autori. U gjobit me 6 mijë lekë 20/04 17:39
Muaji tetor sapo ka hyrë dhe ky muaj ka simbol fjongon rozë e cila rikujton çdo vit, çdo grua, se duhet të bëjë një vizitë të gjirit.
E ndërsa politikanët nxitojnë të përdorin fjongon rozë si PR të tyre merrni vetëm mesazhin e fjongos, “Shko bëj një kontroll të gjirit”.
Dhe ky mesazh duket se ka sjellë një realitet ndryshe edhe në Shqipëri. Në institutin e Shëndetit Publik kur raportohen të dhënat për të gjithë Shqipërinë shprehen optimistë për rritjen e numrit të vizitave që bëjnë gratë dhe uljen e vdekshmërisë.
Numërohen 700 raste të reja në vit dhe kanceri i gjirit është kanceri që haset më shpesh në popullatë por nëse diagnostikohet në kohë, shërohet
Po çfarë është kanceri i gjirit? Bëhet fjalë për rritje jashtë kontrollit dhe përhapje të qelizave jo normale të indit të gjirit.
Këto qeliza grumbullohen dhe formojnë një tumor i cili shkatërron indin normal dhe nëse nuk mjekohen përhapen ngadalë në të gjithë trupin. Ndaj një vizitë tek mjeku një eko gjiri apo mamografi shpëton jetë.
Top Channel
