“Papunësia në vend shënoi rënie prej gati 1 përqind në tremujorin e dytë të vitit”, lajmëroi Instituti i Statistikave.
Zyrtarisht niveli i papunësisë për periudhën prill-qershor 2019 ka zbritur në 11,5% ; udhëhequr nga punësimet në sektorin e shërbimit dhe bujqësisë. Akademiku për çështjet sociale, Kosta Barjaba thotë se ky është një zhvillim pozitiv, por ndërkohë duhet që punësimi në vend të drejtohet te sektorët e prodhimit.
Edhe papunësia te të rinjtë ka pësuar rënie, por ajo është më e lartë se grupmoshat e tjera. Akademiku për Çështjet Sociale, Kosta Barjaba thotë se nxitja e punësimit te të rinjtë duhet të vijë përmes arsimit dhe përgatitjes profesionale.
Rritje e punësimit do të thotë zhvillim ekonomik, dhe rritje pagash.
Top Channel
