Historike! Lara Colturi për herë të parë në podium, menjëherë pas numrit 1 të botës, Mikaela Schiffrin 23/11 14:31
Lionel Messi nuk do të mund të luajë me përfaqësuesen Argjentinase deri në 3 nëntor të këtij viti.
Komisioni i disiplinës së Konfederatës Amerikano-latine të Futbollit e dënoi kapitenin e skuadrës ‘Albiceleste’ me 3 muaj pezullin dhe 50 mijë Dollarë gjobë për deklaratat e forta të bëra gjatë Copa America pas ndeshjes me Kilin për vendin e tretë të kompeticionit.
Në atë ndeshje Messi u ndëshkua me kartonin e kuq pas një zënke me Gary Medel për të bërë më pas kritikat e forta ndaj CONMEBOL teksa arriti deri aty sa ta akuzojë për korrupsion.
Por Messi edhe përpara sfidës me Kilin kishte shfaqur pakënaqësitë e tij. Pas eliminimit të Argjentinës në gjysmëfinale nga Brazili, sulmuesi 32 vjecar tha se ‘Seleçao’ kontrollon dhe manipulon gjithçka dhe tani ai duhet të vuajë pasojat e këtij dënimi.
Kjo do të thotë se Messi nuk do të luajë në ndeshjet miqësore të Argjentinës me Kilin dhe Meksikën në 5 dhe 10 shtator dhe atë me Gjermaninë në 9 tetor.
Pak javë më parë, Messi mësoi edhe dënimin për kartonin e kuq të marrë ndaj Kilit, 1 ndeshje pezullim dhe 1500 Dollarë borxh. këtë dënim sulmuesi do ta kryejë në mars kur Argjentina do të nisë kualifikueset për Botërorin e vitit 2022.
Top Channel
