Festivali i Muzikës së Vjetër “Vox Baroque Albania” vjen në edicionin e 6 të tij këtë sezon veror.Një nga eventet më të veçanta të muzikës klasike, që sjell për publikun repertorin e kompozitorëve më të njohur të stilit të vjetër barok edhe në kohën që jetojmë, falë interpretimit me intrumentat origjinalë.
Një festival kombëtar që synon të të jetë kontribues në edukimin e publikut shqiptarë, veçanërisht të brezit të ri, me traditën e vjetër muzikore evropiane të tre shekujve XVI, XVII, XVIII. Këtë vit festivali ka çelur siparin në datën 6 korrik në qytetin e Vlorës ndërkohë që është menduar që të gjithë instrumentistët e njohur të sjellin plot shtatë koncerte. Ashtu si në edicionet e kaluara edhe këtë vit, festivali vjen me risi, si nga ana e instrumenistëve, sopranëve, tenorëve të njohur që do të jenë me pjesë e tij, të cilët nuk do të jenë vetëm shqiptarë por edhe të huaj, shumë të njohur në skenat ndërkombëtare. Por në këtë edicion krahas muzikës së vjetër baroke, publiku mund të shijojë edhe performancat e balerinëve të njohur italianë që do të përformojnë në tingujt e kësaj muzike
Top Channel
