Abuzoi me tenderin 21 milion lekë për karburantin, GJKKO dënon ish kryebashkiakun e Kukësit me 2 vite shërbim prove 27/11 16:59
G-Bani, reperi shqiptar që u bë i famshëm në vitet 2000, ishte i ftuari i radhës në “Ftesë në Pesë” me Bieta Sulon, për të promovuar këngën e tij të re.
Pas një mungese të gjatë në skenat shqiptare, G-Bani u rikthye në tregun muzikor me videoklipin “mjet anglez”, që u publikua pak muaj më parë.
Gjatë bisedës në studio ai u shpreh i kënaqur me ecurinë e këngës dhe tregoi se ka në plan të sjellë muzikë të re e të jetë më aktiv në jetën e natës.
“Qëllimi është të bëj muzikë! Sigurisht jam i uritur për skenë, dua të dal në skenë. Do u jap rastin edhe organizatorëve të klubeve që nuk e meritojnë të më kenë. S’ e meritojnë, sepse unë e di shumë mirë impaktin tim, unë jam legjendë!”, tha plot vetëbesim reperi.
“Mund të jetë hera e parë që po e them, po unë e di që jam legjendë, jo vetëm falë arritjeve të mia, por sepse kështu erdhën gjërat. Unë bëra rep, në një Shqipëri ku s’ishte bërë rep herë tjetër”, shtoi më tej ai.
Vlen të përmendim se një nga këngët më të suksesshme të G-Ban mbetet “Të dua”, bashkëpunimi me Crazy Girl, që u kthye aso kohe në hit e vazhdon të dëgjohet edhe sot.
Top Channel
