Edhe pse në një moshë shumë të re, amerikania Lexie Alford ka arritur që të vizitojë 196 vende të botës, duke thyer kështu një rekord Guinnes.
Rekordi u njoh më 31 maj të këtij viti kur ajo vizitoi vendin e 196, Korenë e Veriut. Alford u rrit në një familje që ka në pronësi një agjenci udhëtimesh në Kaliforni dhe udhëtimet e saj kanë nisur me prindërit fillimisht qysh kur ajo ishte fëmijë.
Përpara se të hynte në moshën e adoleshencës, Alford thotë se familja e saj udhëtoi kudo nga fshatrat lundrues të Kamboxhias në Burj Khalifa në Dubai, nga Ushuaia në majë të Argjentinës deri në Piramidat e Madha të Gizës në Egjipt.
Ajo gjithmonë ka pasur një kuriozitet të madh për mënyrën e jetesës së banorëve të vendeve të ndryshme të botës, veҫanërisht se si ata e kanë arritur lumturinë e tyre. Deri në moshën 18 vjeҫare ajo kishte udhëtuar në 72 vende të botës.
Në vitin 2016, Alford e mori edhe më seriozisht të udhëtuarit dhe filloi të punojë në misionin e saj për të vizituar çdo njërin nga 196 vendet sovrane të botës dhe të thyejë rekordin botëror që ishte mbajtur nga 24 vjeҫari James Asquith që prej vitit 2013.
Udhëtimet e saj janë të vetëfinancuara dhe një pjesë e tyre të mbështetura nga biznese në fushën e turizmit, të cilat ajo i promovon.
Top Channel
