Allegri ikën nga Juve
17/05/2019 15:37
Tirana mbetet në dorë të Refik Halilit, Gjykata pezullon ankandin deri në shqyrtimin e çështjes në themel 24/04 12:50
Kur të gjithë palët e përfshira konfirmonin vazhdimin e aventurës në futboll dhe me një projekt të ri që do të afronte klubin me Ligën e Kampioneve, vjen edhe divorci i bujshëm në kampin e Juventus.
Ekipi kampion i Italisë ndau zyrtarisht rrugët me trajnerin Massimiliano Allegri pas 5 sezonesh të suksesshme.
Tekniku nga Toskana nuk do të jetë më në stolin e bardhezinjve në startin e sezonit të ardhshëm, pasi duket se bisedimet mes tij dhe presidentit Andrea Anjeli, nuk ecën në rrugën e pritshme.
Presidenti i Juventus dhe trajneri në largim do të jenë bashkarisht në konferencën për shtyp të shtunën në vigjiljen e ndeshjes ndaj Atalantës për të shpjeguar dhe motivet e shkëputjes së marrëveshjes.
Allegri fitoi 5 tituj radhazi dhe arriti dy herë në finalen e Champions, por ka drejtues dhe tifozë që nuk ia falin dështimin në Europë këtë vit, me lojtarin më të vlefshëm të ekipit, si Cristiano Ronaldo. Mbetet tani për tu përcaktuar tekniku i ri i torinezëve.
Ëndrra në sirtar është Pep Guardiola dhe presidenti i Juventus ka treguar se është i aftë për të tilla lëvizje surprizë, ashtu sic bëri kur bindi portugezin Ronaldo, kur askush nuk e priste.
Top Channel
